Eusko Biobankua

Baimen Informatuak

Laginak emateko baimen informatuen bitartez, laginak uzteko nahia askatasunez eta jakinean ematen duzu, haiek zertarako erabiliko diren azaldu ondoren.

Euskal Biobankuak Euskadiko CEIC-ak onetsitako baimenen hainbat eredu ditu. Lagina biltzen den esparruaren arabera, mota desberdinetako baimen informatuak erabiliko dira. Guztiek dituzte:

• Gaixoa informatzeko orria: non proiektuaren helburuak azaltzen diren (laginak ikerketa proiektu baten barruan biltzen direnean), gaixoari aterako zaizkion laginak zein diren, lagin horiek lortzeak ekar ditzakeen arriskuak, gaixoak izango dituen onurak eta parte hartzeari uzteko eskubidea eta nola utzi ere. Gainera, Euskal Biobankua zertan datzan ere azaltzen da, lagina Biobankuan uzteko adostasun-eskakizuna eta laginari buruzko informazioa eskatu ahal izatekoa ere datoz baimenean.
  
  

• Baimen informatua, non emaileak bere lagina modu kontzientean emango duela sinatuko duen eta hark kode baten bitartez edo modu anonimoan barneratu nahi duen azalduko duen.

Inola ere ez, ikertzaileak ez du gaixoaren identifikazioa ezagutuko, laginak beti emango baitira Euskal Biobankutik, emailearen datu pertsonalekin loturarik ez duen kode batekin.

 Lagina hainbat modutan utzi ahal izango da: KODE BATEKIN edo MODU ANONIMOAN, emaileak aukeratu duenaren arabera. Hauek bereizten dituzte laginak kode bidez edo modu anonimoan gordetzea:

• KODE BIDEZ GORDETAKO LAGINAK:Bilketa egin den unean kodea jarriko zaio laginari, baina lagina bildu ondoren datu klinikorik behar bada, emailearen baimen informatua jaso zuen sendagileak haren datuak aurkitu ahal izango ditu eta beharrezkoa den informazioa jaso. Era berean, proiektuan gaixoaren osasunarentzat emaitza onuragarriak lortzen badira, sendagileak emailearen datu pertsonalak berreskuratu ahalko ditu eta emaitzak hari jakinarazi.

• LAGIN ANONIMOAK: Laginak biltzeko unean, hari esleitutako kodearen eta emailearen datu pertsonalen arteko lotura hautsiko da. Ondorioz, lagina bildu ondoren datu klinikorik ezingo da berreskuratu zein emaileri zegokion jakiterik ez baita egongo. Era berean, ikerketan emailearen osasunarentzat emaitza garrantzitsurik badago, ezingo da jakin zein emaileri zegozkion datuak hari onurak jakinarazteko.
  
  

 Baimen informatuen 3 kopia egin behar dira: bata emaileari emateko, bigarrena emailearen historia klinikoan gordetzeko, eta azkena Euskal Biobankuan gordetzeko.

 Jarraian, CEIC-Ek onetsitako eta agertoki bakoitzerako erabiliko diren baimen informatu motak azalduko ditugu. Ikonoa edo baimenaren izenean sakatu eta azaldutako baimenaren eredua jaitsiko duzu:

LAGINAK EMATEA IKERKETA PROIEKTU BATENTZAT ETA BIOBANKUAN UTZTEKO
IKERKETA PROIEKTUEN BARRUAN UZTEKO BAIMENAK Kasu horietan, priekturako lagin bat eta Biobankurako beste bat bilduko dira.
Ikerketa proiektuentzako eta soberan dagoena biobankuan uzteko baimena.
LAGINAK BIOBANKUAN UZTEKO EMATEA
BIOBANKUAN UZTEKO BAIMENA Laginaren bilketa, patologia dela eta, interesgarria denean baina oraindik bilketa hori justifikatzen duen proiekturik burutzen ari ez denean	DIAGNOSIA EGITEKO ERABILI DEN LAGINAREN SOBERAKINA UZTEKO BAIMENA Kasu horretan, emailearen diagnosia egiteko lagina hartuko da eta, soberan badago, Euskal Biobankuan sartuko da.
Biobankuaren baimena	Biobankuan diagnosiko eta teraputikako soberakinak uzteko baimena.
IKERTZEKO EHUN NUERONALA EMATEA
PRE-MORTEM EMATEA Emaileak edo bere legezko ordezkariak sinatuko du baimena gaixoa hil aurretik, Ehun Neurologikoak Emateko Programari ehuna eman nahi diotenean.	POST-MORTEM EMATEA Hildako emailearen senideek emango dute baimena Ehun Neurologikoak Emateko Programari ehunak eman nahi dietenean.
Burmuineko ehuna biobankuari emateko baimena	Postmortem emateko baimen informatua